منتديات فرفشه


 
الرئيسيةس .و .جبحـثالتسجيلدخول

شاطر | 
 

 ازاي تقابلي العريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rose
عضو فضى

عضو فضى
avatar

انثى
عدد الرسائل : 390
الهوايات : READING
المهنه : طالبة دراسات عليا
مزاجى :
اوسمه التميز :
تاريخ التسجيل : 18/06/2008

مُساهمةموضوع: ازاي تقابلي العريس   الخميس يونيو 19, 2008 11:31 pm

هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير

قوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير قوووي...


علشان كده عايزاك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب.

طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل

واحدة تضحك عليّ ومحدش قال لي كلمة مفيدة أقدر أستفيد بيها...

ماتخافيش أنا دلوقتي همشي معاك خطوة خطوة وأقول لك تعملي إيه..



الخطوة الأولى

جهزي نفسك نفسيا ومظهريا

1- علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي يتفرج عليها لأن دي

حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش

عيب ومفيش منها أي تقليل من شأنك.

2
- حاولي على قد ما تقدري تخلي أعصابك هادية جدا وتبعدي عن أي مصدر قلق أو توتر علشان التوتر ممكن يبان

على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي...


3- بعد كده ادخلي الأوضة عندك وابدأي في اختيار لبسك وعلى فكرة النقطة دي بتحير بنات كتيييييييير قووووي لأنهم

بيحتاورا يلبسوا كلاسيك ولا لبس عادي...


بس بيني وبينك ياريت أول مرة دي تلبسي لبسك العادي اللي أنت بتلبسيه وأنت خارجة

يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز

أو لو كنت بتلبسي جوب وبلوزة البسيهم برضه وده علشان يشوفك على طبيعتك في

اللبس وبلاش موضوع إنك تلبسي بدلة لأن دي هتخلي الحكاية تبقى رسمي قوووي

وممكن تبينك أكبر من سنك ..

واوعي تنسي تختاري الألوان اللي تكون مناسبة عليك وتنور وشك.


4- لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم .

5- ياريت في اليوم ده ما تكتريش في المكياج علشان ما تبقيش عاملة زي البلياتشو ... وخليك بسيطة جدا في مكياجك

يعني كفاية قووي

إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك

هيحمر في اليوم ده

فمش هتحتاجي لأحمر الخدود لأنه هيكون موجود طبيعي.


6-خليك متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه

خير ليكي..

أعتقد إنك لو عملت الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه

أثناء اللقاء ده.




الخطوة التانية..

أثناء اللقاء نفسه

1- بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين كفاية قووي إنك

تدخلي بابتسامة بسيطة على شفايفك وتسلمي على كل اللي موجودين وعليه هو كمان واقعدي وخليك شاطرة واختاري

إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليك واثقة من نفسك

وأنت قاعدة وخدي الموضوع ببساطة علشان يعدي
.

2
- لو مامته جات معاه ياريت تخلي بالك وأنت قاعدة منها وبلاش تكشري في وشها وهي قاعدة خليك مبتسمة ليها دايما

حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليك ذكية

وفكري في كل كلمة قبل ماتقوليها.


3- وأنت قاعدة اتكلمي براحتك من غير تكلف وافتحي مجالات للكلام واسمعي ليه كويس وهو بيتكلم علشان تقدري

تحكمي عليه.


4- لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على

شفايفك.


5- خليك جريئة ولو وجه لك الكلام ردي عليه بذوق من غير كسوف.

كمان خدي بالك قوووي..


1- لو سمحت الظروف وقعدتوا مع بعض ياريت تتكلمي معاه في أمور عادية جدا زي مثلا البرامج اللي بتعجبك في

التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي

مثلا الكرة والأهلي والزمالك... ولو تطور الكلام بينكم لأي مواضيع فيها جدل خليك ذكية وبلاش يكون عندك تحيز في

الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه.



واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا

لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة.

2- لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص

الموجودين في المكان وركزي في الشخص نفسه.



الخطوة الثالثة..

بعد انتهاء اللقاء
بعد ما يمشوا عايزاك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي

تطلعي بيه من اللقاء ده لأن فيه حاجات حتى لو بسيطة هتكون بانت قدامك ولو مش قادرة تحكمي كويس يا ريت تطلبي

لقاء تاني علشان تقدري تحكمي على أساس صح

وربنا يوفقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نغم
عضو حاصل على الوسام الذهبى

عضو حاصل على الوسام الذهبى
avatar

انثى
عدد الرسائل : 1076
الهوايات : قراءة رباعيات صلاح جاهين
المهنه : حب الناس
اوسمه التميز :
تاريخ التسجيل : 04/07/2007

مُساهمةموضوع: رد: ازاي تقابلي العريس   الأحد يونيو 22, 2008 9:17 pm

موضوع جميل جدا ومفيد لكل بنت مقبله على الخطوبه

شكرا يا روز على التوبيك ده
ومنتظرين مواضيع تانيه تفيدنا
وانا هثبت الموضوع لانى شيفاه يستحق
واكتر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose
عضو فضى

عضو فضى
avatar

انثى
عدد الرسائل : 390
الهوايات : READING
المهنه : طالبة دراسات عليا
مزاجى :
اوسمه التميز :
تاريخ التسجيل : 18/06/2008

مُساهمةموضوع: رد: ازاي تقابلي العريس   الأحد يونيو 22, 2008 11:09 pm

ميرسى يا نغم
يارب الموضوع يعجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MANDO
عضو حاصل على الوسام الذهبى

عضو حاصل على الوسام الذهبى
avatar

ذكر
عدد الرسائل : 1154
الهوايات : كل حاجة حلوة
المهنه : طالب جامعي & مندوب لاحدى شركات التصميم الدعائي
مزاجى :
اوسمه التميز :
تاريخ التسجيل : 07/07/2007

مُساهمةموضوع: رد: ازاي تقابلي العريس   الإثنين يونيو 23, 2008 12:15 am



بجد يا روز ومنغير اي نوع من انواع المجاملات



انتي فنانه

ويا رب نشوف ليكي مواضيع تاني مفيده كدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
مـدير المنتـدى

مـدير المنتـدى
avatar

ذكر
عدد الرسائل : 1700
الهوايات : تصميمات ونت
المهنه : محاسب
مزاجى :
علم الدوله :
اوسمه التميز :
تاريخ التسجيل : 03/07/2007

مُساهمةموضوع: رد: ازاي تقابلي العريس   الإثنين يونيو 23, 2008 12:20 am

بجد موضوع جااااااااااامد جداااااااااااااااااااا


اقولك على حاجه انا كنت خايف وانا داخل الموضوع

انا قولت طلما فيها كلمه ازاى تقابلى العريس انا قولت حدخل جوه حلاقى شباشب بتتحدف وجزم طايره فى الهوا ماهى مقابله عريس بقه ههههههههههههههههههههههههه

بس بجد بأمانه موضوع راااااااااااائع 10 /10 بجد تسلم ايدك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نغم
عضو حاصل على الوسام الذهبى

عضو حاصل على الوسام الذهبى
avatar

انثى
عدد الرسائل : 1076
الهوايات : قراءة رباعيات صلاح جاهين
المهنه : حب الناس
اوسمه التميز :
تاريخ التسجيل : 04/07/2007

مُساهمةموضوع: رد: ازاي تقابلي العريس   الإثنين يونيو 23, 2008 11:20 am

hhhhhhhhhhhhhhhhhhhhh

عسل يا حماده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rose
عضو فضى

عضو فضى
avatar

انثى
عدد الرسائل : 390
الهوايات : READING
المهنه : طالبة دراسات عليا
مزاجى :
اوسمه التميز :
تاريخ التسجيل : 18/06/2008

مُساهمةموضوع: رد: ازاي تقابلي العريس   الإثنين يونيو 23, 2008 12:06 pm

هههههههههههههههههههههههههههههههههههه

لا متخافش احنا مسالمين
ميرسى يجد ليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايمان احمد
عـضـو مـشـارك

عـضـو مـشـارك
avatar

انثى
عدد الرسائل : 30
الهوايات : الرياضة
المهنه : طالبة
مزاجى :
تاريخ التسجيل : 15/11/2008

مُساهمةموضوع: رد: ازاي تقابلي العريس   السبت نوفمبر 15, 2008 11:26 pm

طيب ده لما يجي العريس ممكن تقولي لينا ازاي نقابل العريس وهو مجاش اصلا نعمل ايه بقي سؤال صعب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاي تقابلي العريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فرفشه :: منتديات فرفشه الترفيهيه :: منتدى شباب وبنات-
انتقل الى: